Chakhai khih he Tisi Ratu zy tawhta khih a vaw sa laipa cha pita adaiti nata chha lia cha nohâ y kawpa khih eima cha.
Zibei zy daiti liata cha abei Reto he Ra-u bei za chata (Ram uk bei tahpa he mongyu sawkha a vawna dah cha abei achy chai pa 4) cho liata abei pata a ypa tana a cha)
Ano he aporaoh pha ahmisa a ngiahpa chata Biehrai liata Davi saw chapawpa Abawsalaw hawta hmipha poraoh phapa a cha.
Reto theiphih a piahta a ra topa cho lia a kiahpa cha moh ai thai leipa laifaw nawhzy cha a ma thlakadi kadao khai thlana a ma tatyhpa a cha.Ano he khisaw thina mai liata khih padeita ri a kiah tyhpa abei phapa a cha.
Tisi khih he khapa kyh vatly ma sawkha tawhta khihsa thei khao leipa vaw chata he daiti liata Rahapa ToTo he y ta sawkha liata Tisi liata sawkha bala (Touristlodge) he na paha sa beila tapa hiata cha ri a hana daiti liata a saw chapaw hneita Rahâ ( Rev Raha) he a cha.Chatlu nohâ ahneipa abeita khih avaw paduapa cha khih nohâ he Sarau va kao pahra lia cha no hawhta a khai nga.
Myanmar Indepedent vaw hmo khai tawhta ryureina he a vaw pathlai hei ta ra-u bei y khao lei ta circle chairman tapa vaw chata Mara rah zydua he a vaopa a cha hei. Hnola ta Mara rah he circle 2 ta a ma vaw pachhai hei.
Abei Tei U he circle chairma vaw cha heita ano daiti liataU Newin tly ma UNu tlyma) atyna hnei eita Myanmar perlima opi liata chano awma hnao ta dailo daita a ki a khapa khua ta taomabi khoh dah haw ta meikhu apakhu ngah thlapa riaphapa Tei u a cha. Ano daiti lia chhao khih noha ydah he ava thlao zy liata tokalopa hawta a thua nga thla hei.
1972 liata Socialist sawkha a vaw dua hei ta he daiti liata Chakhai saw riaphapa Thauma nata Laive u chanawh a vaw dua hei eita Matupi khih chhoh liata Chakhai saw ei cha tahpa ta bah tai saulau pata cha rei theipa a cha.
Written by Rev. V. Ve U