Evangelical Church of Maraland (ECM)

A brief History of the Evangelical Church of Maraland (ECM):

Mara râh he Siaha District chhôh liata ypa, Mizoram Chho lâ nata India Nochhi râh liata a ypa a châ. Lorrain chata Mission Society “Lakher Pioneer Mission” cha 11 Feb, 1905 khata London lia, Mara râh liata thlahpa leidiapazy pachha papua awpa ta padua ta. Awnanopa ama paduapa cha “The Evangelical Church of Maraland” tahpa ta Lorrain-zy chata ama bi. Awnanopa hmiatua chaipa cha kô 1916 liata paduapa a châ. Awnanopa âpachuna cha Reformed ngiapâna chôta âpahniehna châ ta, Awnanopa chakaona peimawh chaipa cha Thâtihpha chhona he a châ hra. Awnanopazy cha a râh chyhsa Khazohpa Bie âchu papuapa Pastor-zy ta mohôh ta, chyh lymâ ei ta. Local awnanopa zydua cha General Assembly, awnanopa biehneina sâh chaipa ry liata âpazao pakhy khai ei ta. Presbyterian awnanopa ryureina hawhta siekheipa a châ hra.

ECM Awnanopa cha zawpi ryureina, apazao pakhyna nata reiraohpa awnanopa châ ta. Chhihthatuh patlo hapazy, biechhotuhpa nata pachuna zy papeimawhsa ta. Chavata, ECM cha sasyh ryu a reina nata sasyh tah achhyh ta sasyh ta thâtihpha chho awnanopa a châ. ECM cha NEICC, CBCNEI member peimawh kawpa châ ei ta WCRC, IFFC full member a châ hra.

Hmialâ saina (Future Vision)

Awnanopa hmialâ saina cha Krizyhpa âkaona phapa eima hnei n’awpa liata bao ta, tha patlô lymâ awpazy, Mission chakaona liata hmahlana kawh viapa hnei awpazy, Awnanopa tha patlô, Thâtihpha chho, Khazohpa bie âchuna pachâ peimawh,  chuna la pachâ peimawh ta, human right/ advocacy, emergency response, immigration and refugees, health, medical Doctor & Nurse zy râh khôtho lâ achu awpa ta tuapapuapa ta, thohna o châta chhaichhi zy khôtho lâ tawhta  donate-tuh tlua awpa he a châ.